Міхась Скрыпка

Пісьменнік-сатырык (1907-1991). Працаваў настаўнікам Талькаўскай СШ у 1952-1954 гг.

Міхаіл Аляксандравіч Скрыпка нарадзіўся ў 1907 г. у вёсцы Месціна Бярэзінскага раёна Мінскай вобласці. Вучыўся ў Мінскім педінстытуце (1937-1940). Удзельнік Вялікай Айчынай вайны. Настаўнічаў. Друкаваўся з 1927 г.

Першы зборнік баек і вершаў "Сатыра і гумар" выйшаў у 1958 г. Аўтар кніг "Мая хата не з краю" (1959), "Пад корань" (1962), "Усяк бывае..." (1963), "Дзіва ў рэшаце" (1963) і інш.

Успамінае Ларыса Аляксандраўна Тужык, былая вучаніца Міхася Скрыпкі: "Міхась Аляксандравіч вучыў наш клас у 1952-1954 гадах, гэта былі 8, 9 і 10 класы, у 9 і 10-м ён у нас быў і класным кіраўніком. Выкладаў рускую мову і літаратуру. Невысокага росту, тоўсценькі, вельмі добры чалавек, любіў смех, жарты. Адукаваны. У нас увогуле былі вельмі эрудзіраваныя, прафесійныя настаўнікі. Калі Міхась Аляксандравіч прыязджаў у Тальку, падарыў мне сваю кнігу з подпісам. Але вось ужо некалькі год прайшло, як Міхася Аляксандравіча не стала".

уверх